Hreiðrið - sögur um að tilheyra

arts, books, performing · EN

Hreiðrið er notalegt horn í Borgarbókasafni Reykjavíkur sem geymir safn texta og miðla sem valdir eru af notendum bókasafnsins. Í tilefni Hinsegin daga munu gestir Hreiðursins geta hlustað á 9 sögur þar sem hinsegin fólk deilir bókum, lögum, ljóðum, kvikmyndum og leikhúsverkum sem vekja hjá þeim tilfinningu um að tilheyra. Í heimi þar sem fólk er sífellt meira sundrað gefur Hreiðrið tækifæri til að hlusta á einstaklinga með mismunandi lífsreynslu. Innsetningin verður opin frá 6. ágúst út september í Grófinni (2. hæð). Sögurnar verða áfram aðgengilegar á vefsíðu Borgarbókasafnsins eftir þann tíma. Þér er boðið á foropnun sýningarinnar þann 6. ágúst, milli klukkan 16:00 og 18:00. Þátttakendur: Ólafur Aðalsteinsson, Rebecca Hidalgo, Ólafur Helgi Móberg Ólafsson (Starína), Reyn Alpha Magnúsdóttir, Sebastían Oddný Arnarson, Sindri Sparkle Freyr, Dori Baldvinsson, Nas, Eliott Spencer Insetning: Embla Vigfúsdóttir Hönnun: Dropl